執到寶

今朝一早同事同我講話有好野益我, 出到門口睇到兩個大蘋果盒, 原來係部Macintosh Classic仲有部Apple嘅printer. 佢話都係個friend個friend唔要嘅. 毛啦啦就俾我執到寶. 不過原來部機係220v, 所以我開唔到機.... 有諗過將依部野玩吓改裝, 不過工程都唔細, 有時間玩會做吓research. 最後響個盒度仲發現左張Apple彩虹logo嘅貼紙添.

Project: iPhone官方第三方軟件試玩報告

響mc開始搞左個iPhone官方第三方軟件/遊戲試玩報告post, 我會不定期更新個post, 希望可以做福人群啦

iPhone官方第三方軟件/遊戲試玩報告 @ mobile-channel

出晒煙... ssh Apple TV

Apple出左個Remote app俾iPhone, 仲可以搖控埋AppleTV, 不過部AppleTV都要upgrade上2.1. 我本身用開2.0.2, 加左我兄弟幫我裝晒D NitroTV之類嘅software, 當時心諗upgrade都冇所謂啦, 反正自己大部份video都係AppleTV format, 唔需要”改機”啦. 點知upgrade左先醒起, 自己平時都用多過一部電腦去manage我Ｄ video. iTunes只係可以俾我sync一部電腦嘅library, 大鑊! 今次要自己動手玩......

睇過幾個教學, 照計一Ｄ難度都冇, 睇落同早期玩iPhone差唔多. 不過由於一個小小地方自己冇留意到, 搞到自己出晒煙, 試左成十幾次, 到最後訓左一覺, 頭腦清醒返, 結果先諗到問題所在, 最後當然搞掂晒啦. 不過今次冇玩NitroTV, 反而想試吓ATVFiles, 當然一樣有搞埋其他嘅video formats support啦! 食飯又可以繼續”撈汁” ^^”

msn on iPhone...

我係個好小用msn嘅人, 一路都唔覺得msn好用, 可惜大部份香港人都係用佢, 自己都要有個account.... anyway, iPhone終於有個native嘅msn, 其實之前都有用web based嘅msn, 但係見佢有native版就試吓, 發覺依個叫Palringo Instant Messenger都係msn一個冇乜特別...... 不過好戲在後頭, 到左九月, 大家就會知iPhone玩IM嘅真正威力, 因為九月會有新嘅SDK同OS2.1, 到時有push notification, 其他手機玩IM將會變得好落後. 我諗我到果陣應該會”成日”用IM ^^

早幾日Dev Team出左PwnageTool 2俾iPhone 2.0. 暫時iPhone 2G可以unlock + jailbreak OS2.0. 至於iPhone 3G就只可以jailbreak. 我都玩左幾部iPhone 2G, 發覺PwnageTool好容易用, 要upgrade一部機 (包括做個custom firmware)只需要12分鐘. OS 2.0最吸引當然係有得裝official 3rd party apps啦. 建議用開iPhone 2G嘅朋友唔一定要買iPhone 3G, 但就最起碼試吓做依個簡單嘅升級.

另外提提諗住只係用WiFi而又冇data plan嘅朋友, 最好用以下依個方法去disable左個3G/EDGE data. 因為OS 2.0響某Ｄ台會自動幫你入晒上網嘅Setting

轉自ePhone.ca
Step 1 - Go to unlockit.co.nz on your iPhone in safari
Step 2 - Hit next, disable data, install, and finally install now
Step 3 - A profile which disables data will be loaded into your iPhone, test it out, see if you can use data while not on wifi. It won’t work. If you check your usage stats, you won’t have used any data
If you want to get a data plan one day and remove this profile, go to settings, general, profile, then hit remove.

實戰: mobile computing

過左Victoria玩兩日, 今次冇帶Macbook Pro, 一切由iPhone 3G代替. 究竟一個平時每日平均用超過十二粒鐘電腦嘅我可唔可以冇電腦兩日呢? 好, 正式測試我嘅iPhone mobile computing,

1.) 出發之前先打去Fido問清楚, 佢地confirm左Data package係全加拿大都可以用冇extra charge. 所以全程都用Fido嘅3G network, 連WiFi都懶得去search. 3G速度滿意.

2.) iPhone嘅Safari有幾好用過嘅都知, 真正Desktop class software. 上網當然難唔到佢啦, 我都係用佢嚟上吓網, 仲有上MC reply吓D post同移動吓會員D post. 不過iPhone OS 2.0嘅Safari有個小問題, 就係要響個reply個post切換幾次又中又英咁會quit, 希望下個update會好Ｄ啦

2.) 睇RSS....網上有禁多嘅睇, 我平時都係靠RSS. iPhone Safari係可以睇RSS, 不過就唔係好完美. 好彩依家有official 3rd party apps, 其中一個叫NetNewsWire (freeware). 我自己習慣鐘意RSS有埋相, NetNewsWire都一樣有. 又可以Mark All As Read. 另外最重要嘅係佢唔駛我響iPhone度入D RSS地址, 直接響電腦入佢地個web site set好晒就得, 就算部iPhone restore過都冇問題, 一log in D feeds就響番晒度.

3.) 去到碼頭先發覺原來冇帶headphone, 要坐成個幾鐘船, 冇得聽歌同睇video. 好彩部機有幾個games. 我可以講句, iPhone嘅games係完全超越所有嘅手機包括Ngage, 好玩程度同畫面同NDS有得揮. 有左official 3rd party apps之後, iPhone突然變左部好強嘅遊戲機.

4.) 今次旅程雖然有帶DC, 但係我都係慣性用iPhone影左好多相. iPhone 3G個camera依然係二百萬像, 冇autofocus冇微距. 不過影出嚟Ｄ相依然係喜出望外. 有興趣可以去依度睇睇.

5.) 影完D相我就直接經3G network upload上去我個MobileMe Gallery 做今次旅程嘅即時相片分享. 其實除左MobileMe之外, 有其他3rd party apps都可以俾你做到即時upload相去Flickr之類嘅online album.

6.) 有人話想iPhone有MMS, 我相信遲D 3rd party apps會有, 不過我個人就覺得完全冇依個需要, 我響旅程中有相要send俾我響香港嘅friend我寧願直接email俾佢, 佢可以直接響佢部iPhone即時透過direct push email即時收到. 我又唔駛俾MMS嘅費用. 當然啦, 我依個方法只係適合雙方都係用iPhone (or smartphone)先得, 要send去普通電話都係要等MMS software.

7.) 收發email, iPhone Mail + MobileMe嘅direct push當然係好正啦. 唔駛成日自己check住個email. 不過有小部份人個MobileMe聽講仲有Ｄ小問題, 我果兩個accounts暫時都好正常. 另外大家都知我好小用msn(雖然iPhone都可以上msn), 不過我都會有用吓Facebook, 佢地個iPhone app都做得唔錯. 只係希望佢下個update可以做埋可以直接upload相同push message就perfect!

8.) 夜晚book左去downtown Victoria食飯, 其實出發前已經print好晒所有要去地方嘅地圖. 不過果度人生路不熟, 響downtown行吓行吓連自己行左去邊都唔知. iPhone 3G嘅GPS就大派用場, 佢俾我個位置好準. 最後輕鬆到達餐廳.

我覺得今次mobile computing嘅經驗真係唔錯, 如果下次行開兩三日iPhone應該可以應負我嘅需要. 不過我都有Ｄ野希望iPhone可以有DD改進,

a.) 我希望Apple會可以俾我響iPhone度manage我D photo gallery, 唔知點解我upload左D相冇順次序

b.) 希望Apple會出個iWeb mini之類嘅iPhone app等我可以直接寫blog就prefect.

c.) 希望Apple會響iPhone加入Back to my Mac依個分唇, 等我去都邊都可以攞屋企部Mac D files. AppStore上面都已經有VNC software, 所以我諗Mac to my back係應該有機會有嘅.

d.) 響出發之前我買左個叫Jade嘅iPhone app, 佢話可以touch up吓Ｄ相, 點知佢真係勁廢, 只係可以教到小小brightness. 我一張相都冇用過佢. 希望佢下個update會有改善, 加返多D 簡單嘅photo editing tools啦.

e.) 同上面講嘅一樣, 希望Facebook會加多D分唇. 不過以我所知唔計Apple自己果D, 其他push技術嘅software最快要到九月先會開始有.


今次嘅Victoria之旅玩得好開心, 睇左好靚景, 食左好多好野. 其實自己好唔鐘意果D趕頭趕命嘅旅行, 今次旅程好relax好舒服 ^^

北京蘋果專賣店

Beijing Apple Flagship Store 響719正式開幕. 大中華第一間Apple Store, 聽講Apple會陸續響中國其他地方開鴨鋪士多. 有人問香港會唔會有? 我覺得好有機會會有. 不過我認為如果香港有Apple Store都只係限於show off, 個市場一Ｄ都唔緊要. 唔係香港人冇錢買或者香港人口小, 而係香港D人比較唔會接受新嘅改變. 佢地依家用Mac都係為左潮, 買部MacBook Pro嚟行Windows. 可能香港發展得比較早, D人用慣左就懶得去轉, 亦都唔會去試, 怕依樣怕果樣咁. 所以我覺得香港市場唔多重要. 反觀大陸同台灣同胞玩得幾有研究. 又肯去試, 所以大陸將來有可能追到日本, 成為Apple重要市場..... 唔知我又幾時會有機會去吓中國嘅鴨鋪士多呢?

多謝大家

又到718, 原來大家都記得, 多謝晒 ^_^

*相中係我今晚嘅超豐富嘅牛一晚餐. 之後兩日仲有維多利亞吃喝玩樂遊