903 / 904SH AQUOS 效應

入左部 Sharp AQUOS 42" 1080p Full HD LCD 電視..... 仲會買/買左好多"配備"....... 今次真係破產 -_-"

Go Wireless.... Going Crazy?!?!

Go Wireless: 返香港果用左細佬套Wireless Keyboard 同 Mouse 之後上左癮, 返黎就開始周圍搵資料, BT Mouse真係唔係太多好既選擇, 結果都係買返Apple既出品. 用左一日, so far so good, 個桌面又再簡潔左, 不過都係有D 擔心粒scroll ball, 睇黎要勤D清洗............ Going Crazy?!?!: 依排心情好似唔係太好, 仲有D脾四添, 好耐冇試過咁. 問題唔知點先可以好好咁解決, 又或者自己心裡面已經有答案, 只係仲響度等緊一D野既發生. 係有D壓力, 自己仲用左佢黎做藉口去買左好多野(以為可以減壓), 大鑊 >.<

香港之旅

響香港返左黎幾日, 休息左幾日, 終於有D時間可以update下個blog. 講講今次香港之旅既收獲.....

1.) 好耐好耐冇返香港, 今次返去最主要既原因係因為表弟結婚. 兄弟結婚我當然好開心, 亦都叫做有小小幫手. 我覺得佢個婚禮準備得好好, 所有野都叫做好順利. 出奇地表弟D脾氣好好, 真係大個仔. 再一次恭喜表弟佢地 ^_^

2.) 婚禮上見到好多親戚朋友, 大家都問我同一個問題. 四兄弟中俾表弟過左頭, 幾時到我?? -_-" ......... 一個暫時冇答案既問題. 或者細佬先呢. 哈哈~

3.) 今次返去見到細個一齊玩大既friends, 好似家文同阿B佢地. 令我諗起好多好多細個既日子....... 事隔幾年佢地轉變左好多, 個個都大個左 (包括佢地D身形都係).... 唯獨好似只有我一個仲好似個細路咁.

4.) 有晚同阿"大哥"去左食飯, 食德國菜飲德國啤, 同佢講左好多野. 恭喜佢出年五月結婚. 我如無意外應該會返去飲佢果餐, 如果老細肯放人的話........... 仲有多謝大哥餐德國菜. 佢依家做左高層果然唔同D, 想當年我地響Rogers涯既日子. 睇到大家依家都算有份ok既工, 都戥大家開心~

5.) 今次返去有兩樣野想睇: 一就係外婆, 見到佢仲係咁長氣咁囉梳, 起碼証明佢身體都算健康, 頭腦依然勁清醒. 二就係想睇睇細佬響香港生活既環境, 東涌雖然係遠左D, 不過環境算係幾好又近佢返工. 出市區交通都算方便. 細佬屋企都算整齊乾淨. 佢一個人 or 多一個人住(唔知幾時呢?!) 應該都唔錯. 睇佢依家都算適應晒香港D生活, 識得照顧自已, 我都算放心左小小. 希望佢早日達到自已既目標啦.

6.) 去左粉腸屋企玩PS3..... 一如之前所想. PS3真係令人失望. BluRay 亦都唔係靚得去邊. 不過佢果部新既Sony 46" LCD 真係超超正, "靚到爆"..... anyway, 都要多謝佢同佢老婆請左我食幾餐飯, 同陪我條無聊友行街. thank you~~ 見到佢習慣到香港既生活我都覺得好開心.

7.) 唔知點解一落機就響電話度同姑姐講左D野, 佢都俾左D意見我.... anyway 今次返去竟然響百忙中有機會食到姑姐煮既飯, 姑姐煮既野依然係全世界中最好食既. 細個果陣真係生在福中不知福 >.<

8.) 去飲左兩次媽打靚湯, 唔係賣口乖, 真係好好飲. 簡直係超水準表現. 不過今次返去真係超忙, sorry, 冇乜時候陪媽咪 >.<

9.) 今次買左好多野...... 不過冇買到之前打算買既相機, 可能覺得自已用DC既機會小左. 返而買左部電話. 重回SonyEricsson 行列. so far 部K800i 都ok 喎. 仲"害"埋細佬買左部 (要幫佢搵借口)~

10.) 平時上網就接觸得多, 今次有機會去左"電話高人"果樹, 多謝佢送俾我條Handfree線同汽水. 高人玩機既方向同我都有D似. 雖然冇同佢出到機..... anyway, 我會記得我欠你兩罐汽水既~

11.) 今次來回都坐唔到Business Class. 返去果程都ok, 隔離個位冇人坐. 返黎果程就大鑊囉, 坐左個二百幾三百磅都黎緊既肥佬, 坐左我八份一個位. 唔係話歧視, 咁肥既人係唔係應該坐Business Class 或者買兩個位呢??? 不過講開搭飛機, 我覺得今次都算幾好, Cathay D 機艙人員服務都好好, 唔會話知我係坐平價機票而有D乜~

成個Hong Kong Trip 都好開心好忙好順利!!!返到黎vancouver又要繼續博殺.... 殺呀~~~

Do U Know / Looking

如無意外返香港果陣會有Janice同Leon隻碟出~ 等左好耐, good news ^_^

仲有一個禮拜~

YEAH!!! 仲有一個禮拜就返香港. 好多年冇返, 唔知有乜改變呢? 返去玩雖然開心, 不過都有D唔放心要溫哥華依邊D同事跟我做果D野. 希望唔會令佢地太辛苦啦 >.<

用返903SH...... 大鑊!!!

今日開始正式用返部903SH, 機皇始終係機機皇, 出左禁耐到依家都冇邊部機夠佢個mon同影D相禁靚. 一心諗住用住部903SH等Apple出年年頭出iPhone. (唔知點解覺得Apple會響二月出iPhone?!?!?) 點知今日Cingular出左用Napster既Cingular Music. 睇黎Apple好有可能走MVNO路線. 如果係咁有iPhone都未必有得用. (除非Apple齋做Hardware放棄食埋單撈果條水?!?!?!) >.<

終於收到DS-X

訂左成個禮拜, 今日終於收到DS-X. 雖然貴過其他咭都抵..... 直接插mini-USB響電腦當USB Mass Storage. 將clean-rom直接放入, 唔駛rip禁煩, 簡單易用, 仲可以留空返個GBA slot. 最重要當然係OSX friendly ^_^

買左部第二代iPod Nano.....

細佬今日返, 買左部iPod Nano俾佢, 佢話想買埋Nike+套kit去跑步喎~ haha, 睇到我依個人版, 佢都真係要做下多D運動, 如果唔係就會好似我咁越黎越肥.... 好鬼肥 -_-"

新買左部Laser Printer

想買Laser Printer好耐, 最近見減價, 終於忍唔住要入左依部三叔ML-2010. so far 覺得唔錯, OSX friendly & 經Airport Express 用都冇問題.

Lucky Day... 失而復得

之前以為出街跌左既NDS Browser咭今日毛啦啦響車度出現. LUCKY ^^

Media Centre 第一步...

為左出年屋企個Media Centre 做準備, 琴日去買左個RF remote. 諗住好容易啦, 有齊Front Row 1.3 + Enabler 1.3.5, 點知響部iMac G5玩左一輪, 原來10.4.8唔得.... 上網又搵左輪. 結果單撈左一個叫RemoteBuddy 既software. 雖然冇FrontRow禁型, 不過佢操作都好簡單, 而且仲可以直接用好多部電腦本身有既software, 除左iTunes同QT外, 3rd party 既RealPlayer, MPlayer 都一樣ok. 所以就算睇rmvb 同dat 既file 都冇問題! 正!!!

咖啡可樂

今日經過Robson有新咖啡可樂免費試飲..... 唔係好得囉, 又勁甜, 又冇咖啡味 -_-"

24" iMac Core2Duo

公司入左部新24" iMac Core2Duo. 好正!!! (不過唔係俾我用) 24" mon真係好大好正~ 同屋企用緊部20"唔同既地方係個Slot-in DVD Burner 去左部機中間 and 有Firewwire800. 唔知係Core2Duo定10.4.8 既關係, 就算行唔係Intel-based 既software 都比想像中快. 行PPC-based 既Photoshop 都算ok, 上到CS3肯定會超快 ^_^...... 不過唔知點解行UB版既Quark 7.01反而有D怪怪地 (可能係心理作用) -_-"
FrontRow 同 PhotoBooth 就 COOL as usual~

1st post~

wahaha.... 第一次寫Blog!!! 今日係Double 黑色星期五..... 好似真係幾黑. 不過可以好肯定明天會更好. anyway, 希望自已會有心機keep 住寫依個Blog 啦 >.<