Telus/Bell追3G HSPA

Telus同Bell以前成日講到自己個CDMA network有幾好, 但不認不認還須認, 續之前傳話佢地會等到4G (LTE) 嘅時候會回歸世界性嘅GSM-based嘅科技, 依家又話佢地等唔到禁耐, 要響一年加個HSPA network, 即係我地成日講嘅3G(3.5G)....

雖然我依家個Fido plan好無敵, 我應該好難會轉過去. 不過我都十分歡迎佢地改制式. 起碼唔駛令Rogers/Fido再獨佔GSM網絡, 有返小小壓力. 而且CDMA根本唔係Global standard, 早就應該要換. 希望佢地搞禁多野最終得益會係我地D消費者啦.

方便v.s.好玩

今日有機會玩過吓要成$50嘅aTV flash, 對於一Ｄ電腦都唔識嘅人都算方便. 不過我覺得玩得改機就應該要俾Ｄ時間落去研究同了解吓自己玩緊Ｄ乜, 咁先至係好玩. 再者aTV flash都冇乜特別, 佢都係用D免費野打包埋一齊, 唔多值$50囉. 自己動動手又好玩又唔駛錢, 響網度又有好多志同道合嘅人互相幫忙, 果種樂趣唔可以用錢去衡量.

收到半神秘嘅禮物

今日好開心收到份半神秘嘅禮物 - “鍋姨”..... 點解係半神秘?! 因為有人之前落美國Disney Store果陣揚左囉. LOL~ 講開Disney Store, 點解佢地賣果Ｄ Wall E同Eve嘅質數反而冇出面鋪賣果Ｄ禁好. 如果唔係響Disney Store裡面仲以為佢地賣緊假野添 @.@

第一次去Bellevue Square

琴日落左美國成日, 去左Alderwood Mall, Bellevue Square同Premium Outlets.... 本來都冇諗住過Bellevue Square, 點知落到去突然唔知心血來潮, 響Alderwood Apple Store google左個路線就去左. 今次係第一次去Bellevue Square, 原來佢地個mall都幾大幾多野行. 果度一樣有Apple Store, 不過就多好多其他鋪頭行, 而且Ｄ貨品嘅款式又多Ｄ. 不過今次Ｄ時間太緊迫, 下次一於唔去Alderwood, 直接去Bellevue. Bellevue Square隔離好似仲有另外一個mall, 不過今次真係好趕, 連Bellevue都未行晒 >.<

我地一行二人買左好多野, 我買左Ｄ衫褲, 仲有我想買好耐嘅電子表同對Converse...... 不過我地勁好彩過冇俾人打税. yeah ^^

TVB on Apple

今日睇左篇有趣嘅文章, 原來TVB四年前開始都轉用左Mac. 我哋平日睇嘅節目甚至依家睇嘅奧運都係用Mac去做制作. 佢哋用果D software好似Final Cut Pro之類普通人當然未必識. 不過佢哋帶出左兩個訊息....

1.) 佢哋用Mac因為OSX方便同系統穩定. 唔好話佢哋做video. 對於我平時做野嚟講方便性同穩定性非常重要. OSX絕對先係Apple嘅靈魂, 靚靚嘅Mac同hit爆嘅iPhone/iPod都只係令OSX錦上添花~~
2.) 成本效益比較好. 有Ｄ人成日話Mac貴, 其實計落Mac唔會貴得過PC. 只不過有Ｄ人鐘意將Ｄ好平嘅PC嚟同Mac比, 根本就唔係公平嘅比較, 用返同級機比就知Mac絕對係物有所值 ^^

iPhone 3G犯左七宗罪, 不如拉佢坐監啦

香港出左個iPhone 3G七宗罪嘅報告... 都幾無聊, 香港有時Ｄ文化都幾得意, 講來講去都係果Ｄ野. 我都唔想再講我嘅睇法. 響我地嘅文明社會犯左罪, 睇嚟我地要拉佢去坐監. 有時我會話香港Ｄ傳煤不知所謂, 但係諗深一層, 人家都係為左讀者口味啫........

講真, 無論買咩都好, 都只有適合唔適合自己, 同鐘意唔鐘意. 又冇人迫你買. 何罪之有?!

唔好玩啦~~

依幾日奧運熱真係好濃, 可能從細個開始阿媽就灌輸比較多中華民族嘅觀念, 睇到中國嘅興起, 身為中國人真係好感動. 中國加油!!!

網上今日出現左張疑似Windows Bluescreen of Dead嘅照片, 場地竟然係開幕禮點聖火果一幕. 我個人雖然覺得Windows係好費好落後又多病毒, 不過都唔想佢係依個時候出現死機畫面囉. 真係令個完美嘅奧運開幕禮帶嚟左小小瑕疵. 希望依張相只係網民用Photoshop做架啦~~~~

新習慣

由自己開始用OSX到依家, 都一路習慣將個dock放響個desktop嘅下面. 到依兩日, 突然想改改習慣, 將佢放響左邊, 仲要hide左佢. 咁樣個desktop應該會多Ｄ位. 我相信一Ｄ都唔難適應.

講開desktop, 我成日都同人講不論你用邊個OS, desktop都唔應該係垃圾筒, 唔應該成日放晒一堆file響上面. 如果Ｄ files真係對你禁重要, 點解唔好好地放好佢地. 垃圾就trash左去啦. 我自己屋企個desktop就長期一個icon都冇; 公司做野部機個desktop就算有都全部係D shortcuts. 記得返學果陣先生已經講過desktop多”垃圾”係會直接影響部機嘅速度. 諗深一層, 如果連個desktop都搞唔掂, 部電腦都整齊極有限啦. 所以咁多人成日話自己部電腦有問題, 其實自己根本就冇好好保養佢. 就正如一架車要換油一樣~

手術成功

好耐冇做過手術, 今次到Intel Mac Mini. 之前部MacBook Pro upgrade左4Gig ram, 剩低2Gig ram. 正所謂唔好嘥, 幫部Mac Mini做個小手術. 一切順利, 手術成功 ^^

ssh vs afp

終於部AppleTV都係要玩返nitoTV. 今日先發現原來ssh(sftp)係慢過afp好多. 我用ssh wireless過一個1Gig嘅file要成47分鐘; 用afp只係要7分鐘. 再加上afp直接響Finder就會見到部AppleTV, 真係方便好多~