永遠活響過去... “Windows 7 is really just lipstick on Vista pig”

琴日Windows 7終於出左pre-beta版本, InfoWorld一D都唔俾面咁講”Windows 7 is really just lipstick on Vista pig”. 睇嚟好有機會係個換湯不換藥只有想表面抄OSX嘅M$傑作. 佢地始終唔夠膽好似Apple咁由OS9上OSX果陣咁完全寫過晒成個OS. 不過依家佢地都係pre-beta啫, 可能出之前會有改善呢..... 但係如果真係禁唔好彩好似InfoWorld咁講佢地真係出”另外一個Vista”, 咁PC人點算呢? 永遠活響過去, 永遠都用XP!?! XP人已經慢左人幾年, 再慢多幾年, 咁前前後後加埋可能落後成十年!!! 電腦係科技野, 幾年已經差好遠, 原來結果仲要等了又等..... 點解唔轉用蘋果呢? 蘋果個OSX咁易用, 就算好似我咁用左十幾年Windows, 都可以幾個星期就習慣晒. 肯用十年等了又等仲用XP, 點解唔用可以三四個星期去習慣高科技兼簡單易用嘅OSX喎 ^^

M$出左個新廣告, 直串OSX有時電腦諗野果陣嘅出現”沙灘波”, 都幾有趣丫, 值得一讚, 簡簡單單響短短嘅廣告帶出訊息, 好過之前果幾個又請名星又大灑金錢又惡評如潮嘅廣告...... 依個廣告係有進步, 不過都仲係有代改善. 首先佢假設左睇果個人知道咩係”沙灘波”? 咁即係果個本身係用Mac嘅人?? 佢地想叫用開Mac嘅人switch用Windows? 唔好玩啦!! 而Windows人睇左都get唔到個笑位, 講真用開Mac嘅人真係好難會轉, OSX真係易用好用過Windows太多太多. 佢地個廣告好似搵錯對象. 再者”沙灘波”殺傷力一D都唔大, Windows都會要load要諗野. 另外都好多謝佢地個廣告幫iMac賣告白, 又係一個失敗廣告嘅通病, 將對手嘅product放入自己個廣告裡面. 當大家睇到Mac都可以放響office裡面而且仲係部靚仔嘅一部iMac, 再睇睇自己用緊部個樣差好遠嘅PC, 我諗都會十分冇味. 佢地搞禁多野不停咁自暴其短嘅想攻撃Apple D電腦同iPhone, 點解都唔做好自己, 花多D時間同金錢去fix Vista同WM?

I miss U, Multi-Touch

因為某D原因連續用左幾日舊款MacBook, 部機雖然佢慢過我用開嘅MacBook Pro, 不過做平日一般嘅夠晒用, 依兩年出嘅Mac有OSX嘅配合速度基本都唔會話慢..... 芒細過自己果部小小但都唔係問題, 不過原來我已經一D都唔慣冇Multi-Touch嘅Trackpad. 記得自己以前都唔係太鐘意用任何電腦嘅Trackpad, 我響可以選擇嘅情況一定會用mouse. 但係自從用左MBP之後, 原來自己不經不覺愛上左用Multi-Touch Trackpad, 唔知幾時開始習慣左用佢, 依家直頭冇左佢唔得.

有D無耐

早兩日玩過新MacBooks, 不過依個weekend都對左兩日Vista. 好唔好用都係留返俾D PC人自己判斷. 我絕對理解同同情大部份用Windows XP但係有唔知Mac好用或者以為switch會好麻煩嘅果一班人 >.<

新機試玩: MB & MBP

今日放工終於有機會去鴨鋪士多試玩全新嘅MacBook同埋MacBook Pro.....先講MacBook Pro, 今期嘅新設計只係響15吋型號, 17”應該要等到一二月. 新機design好靚, 新嘅multi-touch”冇制”嘅glass trackpad好正. 玻璃面芒比想像中討好好多...... 雖然MBP嘅spec好勁, 不過我覺得今期嘅主角應該係MacBook先啱, 我用Mac以來嘅laptop都係PowerBook或者MacBook Pro, 白色iBook/MacBook總係有一種次一級嘅感覺, 但係新MacBook就完全洗左依個感覺, 可以同大哥MBP同台比較, 有人甚至叫新MB做”MacBook Pro Mini”, 俾到好多人有當年12” PowerBook嘅感覺. 依家你俾MB嘅價錢但係就有MacBook Pro級嘅電腦, 有齊Precision Aluminum Unibody, Muilt-Touch glass trackpad, LED芒, drive到大芒嘅DisplayPort, 夜光backlit keyboard, 薄過1吋嘅機身, 一樣有SSD option. 再加上今次仲有張唔再失禮嘅video card, 打吓戲都得, 聽講依張GeForce 9400M聽講話有上一代MBP用果張咭嘅八成功力. 有人會話唔打機的話graphics card一D都唔重要, 咁諗就錯, 出年推出嘅OSX 10.6 - Snow Leopard將會加入OpenCL, 目的就係令CPU同GPU發揮得更好, 就算唔係要嚟打機都好, 第日graphics card都將會提升電腦日常嘅效能. 所以靚graphics card唔再係打機人仕嘅專利........ 暫時睇左好幾個reviews同forums嘅posts, 大致都係讚新MacBook同MacBook Pro, 造工遠超其他PC. 暫時唔鐘意新機都係一D買左舊款MacBook冇幾耐果班, 又或者要firewire扮pro但係又唔捨得俾錢買MBP果D人........ 不過我都對新機有小小投訴, 就係MB明明都係用LED但係就唔夠MBP果個D色禁跳. 另外新MBP點解會重過舊款, 雖然係0.1磅, 但係心理上都會覺得係重左......... 咁應該買MB定MBP好D?! 首先要睇睇自己洗唔洗要15”芒, 如果冇所謂又唔駛用firewire, 今次真係可以考慮吓買新MacBook, 我覺得如果只係偶然打吓機, MBP個dual graphics cards有小小overkill左......... 至於我會唔會upgrade, 我暫時應該唔會, 雖然新款吸引到我, 不過我依家都用緊有Multi-Touch嘅2.4Ghz舊款MBP, 應該會用多一排先, 可能rev. B先會換 ^^

星期二之前傳聞滿天飛

例牌每次MacWorld Expo / WWDC / Special Event之前都係傳聞滿天飛, 今日又出左幾張hi-res嘅MacBook同MacBook Pro嘅外殼圖, MBP個DVD drive改左響旁邊, 仲有個神秘嘅I/O, 唔知係唔係為左可以將部機”入Dock”呢?..... 大家繼續天馬行空啦 ^^

幾時換電腦好?!

琴日先講話幾時換機好, 今日佢就話下個星期會有個”The spotlight turns to notebooks.”嘅special event.... 當然依幾日都唔會係換機嘅好時候, 但係下個禮拜就..... 期待 ^^

多餘: XboxMediaCentre on AppleTV

AppleTV真係多野玩, 最近有人成功將XboxMediaCentre加入AppleTV叫做Boxee... 首先講吓XBMC / Boxee, 可以話係移殖得非常之好, 各種分唇都好順暢. 開發者嘅努力真係功不可沒.... 雖然係咁, 但係問題出現, XBMC / Boxee一切嘅設計都好M$, 個UI一D都唔user friendly. 同蘋果簡單易用嘅設計差好遠...... 有人同我講Xbox好, 可能打機佢真係好, 不過佢地個MediaCentre真係勁唔掂. 將個禁難用嘅software放入禁user friendly嘅AppleTV真係做到一個好強烈嘅對比, 大家功能差唔多, 但係就係依Ｄ大大小小嘅細微野令蘋果產品比其他嘅產品好 ^^

追 追 追: Nokia Tube

Nokia終於響早兩日發佈左第一部Symbian S60 Touch UI嘅5600 “Tube”. 睇用D報導真係對佢有小小失望, 睇嚟佢地起碼要追一兩年先會達到好用嘅要求. 其實Nokia都好明依個道理, 佢地做touchscreen機比好多人都遲, 所以今次都只係敢用低檔嘅”5”series嚟做白老鼠. 如果佢地將禁初形嘅touch UI放響高檔嘅”N”series肯定俾人鬧死.... 我依然相信Symbian第日會有個好用嘅OS/UI, 只不過佢地多Ｄ時間做啫, 暫時出住部低檔嘅touchscreen機頂住先, 又唔會miss左個touchsreen熱潮..... 想當年Apple都用左幾年時間先做到iPhone啦, Nokia又點可能話一兩年就追得返晒丫...... anyway, 起碼Nokia佢地仲有依然大賣而又係我第二最愛嘅non-touchscreen S60. 暫時都仲係得佢地同OSX先做到簡單易用嘅smartphone OS.

任天堂DSi

任天堂將會響十一月推出”新機” - DSi. 畫面比DS Lite大左, 又有兩個camera, 一個仲有成三百萬像.... anyway, 自己雖然鐘意打機, 但依家同細個果陣比鐘意打機嘅程度差好遠好遠. 冇再禁沉迷.... 再加上依家iPhone上面D Game禁正, 一D都唔會輸俾DS或者PSP, 幾蚊到十蚊就買到隻好玩嘅正版game. 我諗我依幾年都唔會再點買遊戲機, 得閒玩iPhone果D已經好足夠 ^^