YouTube HD

好野, YouTube開始架入HD, 720p都算係高清. 速度又幾好. 最正嘅係響同普通YouTube一樣都可以響AppleTV度用, 就算響部42”電視都可以睇得清清楚楚 ^^

3rd biggest computing platform

有網友話天下smartphone一樣黑, 我諗係掛. 我不嬲都唔覺iPhone係smartphone, 我覺得iPhone係響Windows同Mac之後嘅第三大電腦平台, 用佢同其他手機比較對其他所謂smartphones真係好唔公平. iPhone真係越嚟越好玩&好用. 我終於唔洗再一年換三四次手機.

Push IM - FaceBook

唔知係唔係年紀大左, 依家小左開我個MSN或者iChat. 所謂IM, 即係Instant Messaging, 當然用電腦同朋友聯絡好重要, 但係可能大家都大個左, 好多時都係工作為重, 唔係個個都可以或者有時間響辦公室玩IM, 亦好時好多野都唔駛真係話要好”Instant”. 隨住social networking多左人用, 好似Twitter / MySpace / FaceBook之類, 有唔小人都將依D online social networking做埋IM. 我都唔例外, 我都不經不覺將FaceBook變做左我個主要嘅IM. 平時除左個入吓FaceBook個web site睇睇朋友嘅update同message之外, 我響FaceBook亦都加左”Mobile”嘅setting. Apple遲遲都未出佢地個push notification, 再加上我個fido plan有多到我用唔晒嘅sms. 依家我就set左FaceBook果D message可以direct push sms去我個電話到, 之後我就可以響iPhone嘅FaceBook app度reply, 十分方便. FaceBook上嘅Mobile可以俾你set邊幾種notifications你想佢push俾你, 仲可以set埋時段, 唔會話半夜俾佢噪醒.

Autobloggreen

雖然有排都唔會換車, 但係為高油價又好, 為環保又好, 最近都開始有睇吓D hybrid車嘅野. 仲見到有個web site專係講依D環保車嘅添 ^^

http://www.autobloggreen.com

收聽香港電台 on iPhone

之前有朋友問iPhone可唔可以聽香港收音機, 我當時話冇. 但係剛剛睇到Guru網友嘅分享, 原來係得嘅. 方法好簡單, 而且仲係免費架添 ^^

1. Download Fstream from app store
2. Key in the following from favorite:
商業電台 雷霆881 mms://mslive.881903.com/CR1
商業電台 叱吒903 mms://mslive.881903.com/CR2
香港電台第一台 http://www.rthk.org.hk/live1.asx
香港電台第二台 http://www.rthk.org.hk/live2.asx
香港電台第三台 http://www.rthk.org.hk/live3.asx
香港電台第四台 http://www.rthk.org.hk/live4.asx
香港電台第五台 http://www.rthk.org.hk/live5.asx
香港電台普通話台 http://www.rthk.org.hk/live6.asx
新城財經台 mms://s1.104mfonline.com.hk/Encoder5
新城知訊台 mms://s1.104mfonline.com.hk/Encoder4
新城AM104.4 mms://s1.104mfonline.com.hk/Encoder3

Remember to check "don't use cellular network - ON "

***update: 可能太多iPhone人用依個方法, 商台個server爆晒, 如果唔得可以試吓.....
mms://mslive02.881903.com/CR1
mms://mslive02.881903.com/CR2
mms://mslive03.881903.com/CR1
mms://mslive03.881903.com/CR2

PC NetBook - $200 in 2009

Acer話左2009年netbook會平到US$200, 要買嘅朋友可以再等等. 當然我對netbook一D興趣都冇, 自從PowerBook 12”之後, 我知道自己一D都接受唔到一部細芒機做我日常用嘅電腦. 咁如果Apple有朝一日出netbook呢? 真係好難講, 依家D netbook缺點太多, 要細機方便, 只係用嚟上網, iPhone真係可以做到. 如果Apple真係做netbook, 佢地應該將會係唯一有機會改變netbook嘅希望, S.J.都講過話佢地有幾個”interesting ideas about netbook”. 當然啦到時真係出左Apple netbook嘅時候其他廠都會抄, 其實netbook通常都係2nd甚至3rd computer, 唔會話真係急住用, 所以要買嘅話真係可以慢慢等......