科技帶俾我地好多娛樂同資訊外, 當然仲帶左好多方便俾我地…… 方便到連抺地清潔都有得懶. 平日行街多數都只係會見到叫做iRobot嘅清潔機械人, 之不過iRobot主要係做自動吹塵. 而我依個就叫做Mint, 就係俾木板地同街磚地用嘅. 佢有兩個模式, 一個乾抺一個濕抺. 乾抺可以直接裝上平時超市有得賣嘅Swiffer. 濕抺就用跟機嘅microfiber布, 響濕抺模式果陣佢仲會做出反覆前後嘅抺地動作. 除左主機之外, 佢仲有個NorthStar GPS接收器去做地位, 認位都好很好, 所有要抺地方佢都冇留, 枱底櫈底櫃底都難唔到佢, 又抺得好乾淨(起碼抺得好過我). 我屋企唔算多傢俬雜物, 叉一次電大約可以抺一千呎地方, 一次乾加一次濕. 總括嚟講我對我屋企依個阿信好滿意, 懶人家庭必備!
No comments:
Post a Comment