八粒鐘!!!!!

記得年初我響MacWorld Expo返嚟之後有朋友同我講, MacWorld Expo個keynote好唔掂, 一D勁野都冇. 我當時答佢, 新iLife好正, 同我覺得17" MacBook Pro嘅電池科技好勁. 心諗睇過第一代iPhone個keynote嘅人應該都明白之後依幾年任何公司根本冇可能有機會會再有iPhone當時禁震撼嘅產品出現架啦. Anyway, 我個朋友係PC人, 佢當然唔會明iLife係用PC嘅人永遠都體會唔到原來電腦軟件方面可以有禁大魅力同方便性. 佢又覺得我講嘅電池科技係"死雞撐飯蓋", 問心果句我真係覺得Apple做當時嘅17" MBP嘅方法好聰明. 點解要到果一刻先會有人諗到同做到!?! 電池容量大左電腦可以用耐D, 但係同時冇加到電腦嘅重量. 今次WWDC我最估唔到嘅係Apple出左13同15吋unibody MacBook Pro只係大半年就馬上將電池新科技加入, 相信依個正正係用Precision Aluminum Unibody Enclosure嘅好處, 可以隨時大幅度修改!! 今次MacBook Pro嘅update真係好吸引到我, 搞到我心大心細. 我之前都講過今時今日嘅電腦(唔計小兒痳痺嘅netbook)嘅clock speed已經好快, 大家追求只係用電量同multi-core (尢其是出左Snow Leopard之後, sorry Windows users). 我之前一心諗住慢慢等到32nm嘅CPU出先換, 依家算係點喎?!?!?! 45nm嘅15" MacBook Pro竟然行到成八粒鐘. 仲加埋個可以boot機嘅SD card slot, 係唔係玩野先!?!?! >.<