蘋果筆

今日去左蘋果Vancouver聽廣東話既Mac/OSX既基本入門講座, 原來佢地個Office就響表哥返工既隔離. 講真依個講左對於我黎講作用不大, 但係我覺得對新手就幾有用, dmac呀Stephen講得幾好. 不過成個講座最正就係特別嘉賓顧家輝先生出既露兩手GarageBand. 講座最後仲有抽獎, 好野就冇我份, 剩係得支筆~

本來去到好想影相, 但身上只有iPhone, 現場有個外藉既蘋果人員, 用部jailbreak兼unlock既機好似唔係太好. 加拿大到底幾時先會有行貨 >.<

依Ｄ數字代表Ｄ乜

MA402LL/A, MA403LL/A, & MA404LL/A 代表乜野呢??? 應該好快就會有答案.... MacBook?? MacBook Pro??? 我琴日先同人入左部MacBook, 如果係聽日真係有新MacBook,　咁今個weekend又要去佢度玩多次!?!?!

數碼年代

好似好耐冇update個blog, 之前俾個客既客玩到我殘, 個project終於做完, 算係暫時放下心頭大石.

今日一條友殺左落去Boardway玩MacBook Air, 做工一流, 速度ok, 部機真係好薄好輕, 當然有好多人對佢嫌三嫌四, 我都係果句FULL SIZE既Laptop佢已經係好輕, 要細用iPhone啦. 不過當然有好多人都係會買部個芒勁細有個縮水keyboard(or勁費touchscreen)加部機勁慢既所謂電腦?!?!

今日買左隻Family Guy Blue Harvest既DVD, 算係第一隻有Digital Copy既碟. 講開碟, 大家都知HD-DVD已死, 正當好多人認為係買Blu-ray既時候, 我反而冇左依個衝動, 我覺得Blu-ray既真正對手唔係HD-DVD, 而係好多公司都做緊既HD數碼單撈電影, 雖然Digital Copy暫時只係做到720p/1080i, 不過相信會越黎越好. 第日可能會變成老一輩/唔用電腦既人會買/租Blu-ray; 用Media Centre/Apple TV既人會玩Digital Copy. 情況會越黎越似CD v.s. MP3......

Delay No Mall

MC網友影既一幅好搞鬼既相, "Delay No Mall", 擺到明唔make sense, 或姐叫"Delay No More"會好D...... 不過我都認同有D網友講依個商場名真係會教壞細路...... 如果同人講今日去左依個商場, 未即係...... -_-"

升級1.1.3

Yeah, upgrade左1.1.3..... 除非有玩開, 否則暫時唔建議upgrade~

偷得浮生半日閒

知道大老闆會放大假, 佢走之前一定會勁谷Ｄ jobs, 所以自己早排病到死下死下都要死頂。雖然已經病好, 但係個人都仲係覺得好累。今日請左一日假叉電。一條友行左出去河邊吸吸新鮮空氣, 好舒服, 依Ｄ新鮮空氣真係唔係度度可以享受得到, 真係要好好珍惜。雖然今日係放左自己假想好好休息, 但係都係好犯賤成日check住公司個醫貓, 響屋企做左幾個jobs。睇黎我都係放唔低。哈哈~~

1.1.3.....

好快喎~ 不過依家係要拆機Hardware解鎖, 仲要等jailbreak先可以正式用1.1.3.... 之後應該會有software unlock....

[Update] 新Jailbreak已經有, 不過"有關方面"會等到二月Apple出SDK先會將1.1.3 Jailbreak公開

2008. There's something in the Air

今日一早睇左文字版既S.J.'s keynote, 到今晚先有時間睇返個video同Ｄ細節, Steve今日分別講左四樣野....

1.) Time Capule.... COOL. Time Machine終於可以wireless backup. 但係我已經入左個LaCie 500G drive俾我個Airport Extreme -_-"

2.) iPhone 1.1.3. 同之前網上流傳既幾乎一樣. 不過暫時有得睇冇得用, 又係"老鼠同貓既遊戲". 除非Rogers/Fido會出!?!..... 另外iPhone頭200日賣左四百萬部, 有人話勁有人話普通. 我就覺得依個成績好好. 自己做過電話, 明白個game係點玩, iPhone係Top of the line既機, 唔係要黎谷開台果D Free phone or cheap phone. 做到依個數字絕對係掂.

３.) iTunes Movie Rentals.... 唔知點解, 我覺得依個先係今日既焦點. 又有主要果幾間studio撐.... 我睇戲通常都係一次就夠, 冇乜機會/時間會反抄, 租左又有30日時間等我開始, 又唔駛去還碟, 又唔會一屋都係DVD, 又唔會長期有一堆movie files響部電腦度. iLike ^_^

4.) There's something in the air. 當中既Air就係講全世界最薄既laptop - MacBook Air. 佢真係超勁薄. D spec可以上Apple睇. 有趣既係友人又講起"點解MacBook Air都係咁大部", 佢話應該做個得幾吋螢幕果D機先至係....... 我就一Ｄ都唔認同. 自從12" PowerBook之後, 我話過唔會再買12"以下既laptop. 原因好簡單, 到依家為至根本就冇任何一個OS係design俾細mon用. 如果要細, 用iPhone好過, 反正二月會有SDK, 好快就會有真正既software for iPhone. 另外如果其他生產商係要玩細mon都要俾Ｄ誠意, 抄下Apple個MacBook Air既multi-touch trackpad, 起碼用起果Ｄ得果幾吋mon既機都冇禁痛苦 >.<

Anyway, Apple都係要我繼續等我既新MacBook Pro.... 唔知點解我覺得二月會有新update.... 可能有個"One more thing"既event ^_^