果迷蘋語

果迷蘋語 http://ifancomments.tumblr.com

能日後地老天荒因為傻開始

從此蠢人節再不一樣~

懶人玩具….. 我屋企嘅阿信

科技帶俾我地好多娛樂同資訊外, 當然仲帶左好多方便俾我地…… 方便到連抺地清潔都有得懶. 平日行街多數都只係會見到叫做iRobot嘅清潔機械人, 之不過iRobot主要係做自動吹塵. 而我依個就叫做Mint, 就係俾木板地同街磚地用嘅. 佢有兩個模式, 一個乾抺一個濕抺. 乾抺可以直接裝上平時超市有得賣嘅Swiffer. 濕抺就用跟機嘅microfiber布, 響濕抺模式果陣佢仲會做出反覆前後嘅抺地動作. 除左主機之外, 佢仲有個NorthStar GPS接收器去做地位, 認位都好很好, 所有要抺地方佢都冇留, 枱底櫈底櫃底都難唔到佢, 又抺得好乾淨(起碼抺得好過我). 我屋企唔算多傢俬雜物, 叉一次電大約可以抺一千呎地方, 一次乾加一次濕. 總括嚟講我對我屋企依個阿信好滿意, 懶人家庭必備!

等到2046...

每次蘋果有新野出, 我都會有類似以下嘅對話, 早幾日出左新MacBook Pro當然都冇走雞, 到今日為止已經係依幾日裡面嘅第四個......

A: 等左好耐, 出左新MacBook Pro喎. 個spec都幾正又有超快嘅Thunderbolt.

B: 係呀, 真係幾正. 買啦買啦.

A: 我都係再等, 聽講出年果部仲正.

B: 咁不如等到2046啦, 我都聽講到時果部正過你講出年果部. 2046果部唔只又快又輕禁簡單, 佢可以變個掃把出野幫埋你掃地, 又可以洗衫煮飯......

A: …………

唔係話唔可以吹水, 都唔好話我吋. 但我真係唔知科技原來可以慢慢等. 每日都有新發明有新技術. 我唔係話你明知聽日出新野今日仲去走去買"舊野"先至叫有型, 但係成日吹話要買依樣買果樣自己真係會開心D架咩?? 我都係果句: "自己鐘意或者有需要, 而自己又負擔得起就去買囉."

過幾日又有新野出, 吹水嘅依然水繼續吹, 我到時可能都係一句: "再等等啦, 我收到風, iPad 9會仲正架."

Review: RedEye Mini (iPhone天線?!)

早個月前響FB post左依張相, 大家都以為佢係iPhone嘅天線, 又話佢醜樣, 又話毛啦啦點解要加條天線, 唔通部iPhone接收有問題?! 哈哈, iPhone接收真係有問題架, 因為佢冇舊式嘅紅外線接收, 咁佢點同我屋企D電視影音器材傾偈喎?!? 加左依個叫RedEye Mini嘅野再加佢地嘅免費app就可以令你部iPhone/iPod Touch/iPad變成一個多功能搖控器, 一部機就搞掂晒, 唔洗放成幾個remotes響梳化上面. 市面上都有好幾個依類選擇, 買佢當然有佢吸引之處, 包括:

1.) 售前售後嘅服務都好好, email佢地都好快有回復
2.) 個app做得幾好, 有好多command玩, 每一個制都可以自由擺位同設定. 又有埋TV guide
3.) 佢只需要用headphone jack, 咁就可以留返個Dock connector嚟叉電

可惜佢都有三大唔好之處令我唔會推介佢(或者同類產品)俾大家…

1.) 佢係可以有好多command可以玩, 不過setup就有D複習, 一次過連串commands唔暢順, 中間可能會miss左一兩個commands
2.) 依個可能係依類產品嘅通病, 就係佢唔可以好似傳統有制嘅控制咁連續禁制. 最常見例子係當你聽到電視唔夠大聲或者太大聲果陣, 你會自然咁連續禁volume個制幾下, 一次過上或者落幾級, 唔知係touchscreen問題定傳送嘅問題. 佢係做唔到果種順暢嘅感覺.
3.) 個app唔十卜我屋企部Cisco TV box, 連learning mode都唔work, Redeye果邊話要再同Cisco再攞過D資料.

雖然我對依類產品有D失望, 但係響CES報道見到賣飛佛Griffin Technology會出一個叫Beacon嘅野, 佢唔洗響iDevice度插任何野, 利用Bluetooth經Beacon傳紅外線過影音器材度. 等佢正式出左會再入手試試.

iPad killer?!?!

上個月去紐約有幸偷玩過三叔嘅"銀河系標簽", 當時"有關人仕"力撐話個software未係final, 不過玩過之後當時都係覺得佢唔多掂. 正當朋友話又係我嘅偏見之時, Wall Street Jornal, New York Times同Wired都出左reviews. 好多人都仲未明或者唔知蘋果其實係先由iPad開始做研發, 之後先至有iPhone. 所以當你真係用過iPad之後你會明白"iPad is what iPhone should be", 而當初大家擔心iPad只係巨型iPod Touch嘅想法到最後都完全改觀. 單響spec上係睇唔出, 就正正係iPad Magical所在.... 相反玩過三叔依部tablet之後, 你係會完完全全感受到咩野係一部煲大左嘅Andriod電話. Google Andriod系統本身唔係差, 不過就未係時候可以用嚟做tablet. 我諗都係啲生產商見iPad大賣, 所以急急腳跟風, 仲有唔好唔記得Google有個Chrome OS大可以做到個好好嘅後著. 之於部機嘅size屎, 7"畫面聽落之係細人兩吋, 實質上畫面細人成半. 重量只係輕過人0.2磅. 部機又唔係細到話可以放入衫袋褲袋, 出街點都要帶多個手袋, size屎做唔到賣點, 反而可能分分鐘變成弱點 >.<

朝聖五街大宅

雖然只係順路過一晚, 但係已經喪行左紐約市四間蘋果店, 當中當然有鴨鋪粉絲必到嘅五街大宅。玻璃建築設計吸引大批遊客參觀，大門長時間都水泄不通。勁開心自己終於有機會親身去到朝聖。。。不過正當大家都鐘愛Fifth Ave甚至有超高樓頂嘅Upper West Side Apple Store嘅設計之時, 我個人反而最欣賞SoHo區果間，雖然佢係四間當中面積最細, 但係設計就有另一番風味。去到紐約市必定要去再參觀 ^^

Better iOS 4.2

人總係貪心，啱啱先響iPhone度上左iOS 4.1用得好開心之時，不禁已經開始諗緊iOS 4.2 on iPad。見到新加嘅iOS Printing同AirPlay真係幾吸引，但係都仲有好多改進嘅空間。。。。

Safari... 太似iPhone版。應該要加入真正嘅tab功能。iPhone畫面細要跳出跳入都好正常，但iPad版根本冇依個需要。雖然我用開嘅Atomic web browser有tab分唇，但如果官方Safari都有嘅話會方便好多。

Mulittasking... 太似iPhone版。應該要加入多啲新API去利用iPad嘅大畫面。

中文手寫..... 太似iPhone版。雖然iOS 4.2應該會有繁中輸入，但睇返依家簡中手寫實在同iPhone版冇分別。最近買左個iPad嘅蒙恬筆app，佢地個手寫介面真係正過蘋果果個好多，可以寫得快好多。



- Posted from my iPad